Agora tócalle o turno aos insectos que podemos atopar no campo. No cole elaboramos un gran mural co título "Os bichiños do CRA de Ribadumia". Cada neno fixo o seu insecto con rolos de papel hixiénico e logo pegoulle a súa foto.
¡Que chulo nos quedou!
Aproveitando as propostas didácticas do Seminario Galán, fixemos unha ficha onde cada alumno debuxou o seu animal preferido. Tamén puidemos coñecer diferentes animais que aparecen nos poemas de Rosalía de Castro.
O 30 de xaneiro é o Día da Paz e a non Violencia. Este ano fixemos un mural coas fotos do noso alumnado e as súas mascotas. Estivemos debatindo sobre os dereitos dos animais e logo fixemos unha pequena lista coas conclusións obtidas.
Queremos que os nosos alumnos respeten os animais e sexan responsables tamén no coidado das súas mascotas. Para iso, cada neno trouxo unha foto da súa mascota e fixemos un pequeno libriño onde falamos dos seus coidados e como eles podían axudar.
Para coñecer máis sobre os animais, fixemos un bingo con diferentes imaxes destes. Que ben o pasamos xogando e aprendendo!
Este ano participamos no plan proxecta que leva por título "Protexe os animais". Queremos que os nosos alumnos respeten os animais e se responsabilicen do seu coidado.
Comezamos o traballo investigando sobre eles, para elo elaboramos un xogo de asociación onde había que emparellar cada animal coa súa pegada. Algunhas foron moi doadas pero outras non tanto!
